Vyjšaŭ na svabodu były apieratar «Biełsata» Jaŭhien Hłuškoŭ

Jak stała viadoma vydańniu «Pozirk», paśla adbyćcia terminu vyjšaŭ na volu 57‑hadovy mahiloŭski žurnalist, palitviazień Jaŭhien Hłuškoŭ.

Jaŭhien Hłuškoŭ

Adrazu paśla pryjezdu ŭ Mahiloŭ jon byŭ špitalizavany z trafičnaj jazvaj, paviedamiła krynica vydańnia. Pierad vyzvaleńniem jon taksama znachodziŭsia ŭ balnicy.

Žurnalist byŭ zatrymany 5 studzienia 2024 hoda. Abvinavačvaŭsia pa č. 1 i 3 art. 361‑1 (stvareńnie ekstremisckaha farmiravańnia albo ŭdzieł u im) i č. 1 art. 361‑3 (udzieł na terytoryi zamiežnaj dziaržavy va ŭzbrojenym farmiravańni abo ŭzbrojenym kanflikcie, vajennych dziejańniach, viarboŭka albo padrychtoŭka asobaŭ da takoha ŭdziełu) Kryminalnaha kodeksa.

31 lipienia 2024 hoda Hłuškoŭ byŭ pryhavorany da 3‑ch hadoŭ pazbaŭleńnia voli. Razam ź im pa tych ža artykułach sudzili jašče adnaho mahiloŭskaha žurnalista, Alaksandra Sabaleŭskaha. Jon atrymaŭ na hod bolš.

Kamientary da artykuła