Выйшаў на свабоду былы аператар «Белсата» Яўген Глушкоў

Як стала вядома выданню «Позірк», пасля адбыцця тэрміну выйшаў на волю 57‑гадовы магілёўскі журналіст, палітвязень Яўген Глушкоў.

Яўген Глушкоў

Адразу пасля прыезду ў Магілёў ён быў шпіталізаваны з трафічнай язвай, паведаміла крыніца выдання. Перад вызваленнем ён таксама знаходзіўся ў бальніцы.

Журналіст быў затрыманы 5 студзеня 2024 года. Абвінавачваўся па ч. 1 і 3 арт. 361‑1 (стварэнне экстрэмісцкага фарміравання альбо ўдзел у ім) і ч. 1 арт. 361‑3 (удзел на тэрыторыі замежнай дзяржавы ва ўзброеным фарміраванні або ўзброеным канфлікце, ваенных дзеяннях, вярбоўка альбо падрыхтоўка асобаў да такога ўдзелу) Крымінальнага кодэкса.

31 ліпеня 2024 года Глушкоў быў прыгавораны да 3‑х гадоў пазбаўлення волі. Разам з ім па тых жа артыкулах судзілі яшчэ аднаго магілёўскага журналіста, Аляксандра Сабалеўскага. Ён атрымаў на год больш.

Каментары да артыкула