Na minskim praśpiekcie demantujuć nadpis «Kvitniej, rodnaja Biełaruś»
Na domie №133 na praśpiekcie Niezaležnaści ŭ Minsku pačali demantavać znakamity nadpis «Kvitniej, rodnaja Biełaruś», piša Blizko.by.
Budynak ź viasny znachodzicca na kapitalnym ramoncie i, vidać, mienavita z hetymi rabotami źviazany demantaž litar. Na 24 žniŭnia z fasada ŭžo amal całkam źniali pieršaje słova — «Kvitniej», zastałasia tolki litara «j».
Dvarovy fasad doma ŭžo pafarbavali ŭ kremava-bieły koler. Vuličny fasad pakul abnoŭleny tolki častkova — raboty vykanali z pravaha boku. Pry hetym vidać, što ŭčastak ściany pad słovam «Biełaruś» užo taksama pafarbavany.
Nadpis «Kvitniej, rodnaja Biełaruś» źjaviŭsia na fasadzie doma bolš za 15 hadoŭ tamu i za hety čas staŭ adnoj z prykmietnych detalaŭ praśpiekta Niezaležnaści.
Čytajcie taksama:
U miescy, adkul pačynaŭsia Homiel, pačali stavić pomnik rasijskamu fieldmaršału
Most praź Śvisłač kala płoščy Pieramohi adkryjuć paśla ramontu da kanca žniŭnia