U Minsku praciahvajuć pracu z avaryjnymi, zaniadbanymi i nieekspłuatavanymi budynkami, jakija mohuć stvarać niebiaśpieku dla žycharoŭ horada. Pytańnie znosu takich abjektaŭ abmierkavali na naradzie pad kiraŭnictvam staršyni Minharvykankama Uładzimira Kucharava, piša ahienctva «Minsk-Naviny».
U inviestycyjnuju prahramu stalicy na 2026 hod uklučyli šeść budynkaŭ, jakija padlahajuć znosu. Paśla demantažu hetych abjektaŭ terytoryi pavinny pryvieści ŭ naležny sanitarny stan.
Dva takija budynki, jak paviedamlajecca, užo źnieśli. Adzin ź ich znachodziŭsia ŭ rajonie vulicy Pietrusia Broŭki (korpus byłoj abłasnoj dziciačaj balnicy), druhi — na vulicy Rabkaraŭskaj («stalinka» ŭ styli savieckaha kłasicyzmu). Ciapier raboty pravodziacca na abjekcie na vulicy Inžyniernaj i jašče na adnym budynku na vulicy Pietrusia Broŭki. Da kanca hoda ŭłady płanujuć źnieści jašče dva avaryjnyja abjekty.
Usiaho paśla praviedzienych abśledavańniaŭ u roznych rajonach Minska vyjaŭleny 151 prablemny budynak. Pavodle haradskich uładaŭ, usie hetyja zbudavańni nieprydatnyja dla dalejšaha vykarystańnia, tamu zachoŭvać ich niemetazhodna.
Asnoŭnym pryjarytetam pry naviadzieńni paradku čynoŭniki nazyvajuć biaśpieku i kamfort žycharoŭ. Zaniadbanyja budynki, maŭlaŭ, nie tolki paharšajuć vyhlad horada, ale i mohuć ujaŭlać realnuju niebiaśpieku dla dziaciej i darosłych.
Asobna na naradzie razhledzieli pytańnie ŭtrymańnia budynkaŭ i zbudavańniaŭ, jakija praciahły čas nie vykarystoŭvajucca. Pavodle źviestak Minskaha haradskoha ŭpraŭleńnia MNS, na adpaviednym uliku znachodziacca 52 takija abjekty.
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
U centry Minska znosiać jašče adnu «stalinku»
Nakolki bolš pomnikaŭ architektury achoŭvajecca ŭ Polščy i Litvie ŭ paraŭnańni ź Biełaruśsiu. Žachlivyja ličby
«Ścieny vilhotnyja, ćvil paŭsiul». Što adbyvajecca ŭ stalinkach na vulicy Lenina ŭ Minsku praź miesiac paśla pažaru
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»2
Kamientary
A što zamiest?
Źniaści možna choć usie budynki krainy, ale navošta?
Abo sierby ŭsio budujuć biaśpiečna dy pryhoža, tak?
Abo heta tolki fienamien NB što niejkaja panelka za kalcom daražej?
Abo mabyć sprava ŭ tym, jak budynki stali zaniadbanymi dy avaryjnymi, kali ŭłady pavinny byli kantraluvać heta?
Asabliva kali budynak maje być pytańniem da ŭłaśnika... dyk a čyi budynki źniaśli, ha?
Tak mnoha pytańniaŭ, tak mała adkazaŭ...