USU nanieśli paśpiachovy ŭdar pa Afipskim NPZ u Krasnadarskim krai
Unočy 25 žniŭnia 2026 hoda Siły abarony Ukrainy nanieśli čarhovyja ŭdary pa abjektach rasijskaj naftahazavaj haliny, paviedamiŭ Hienieralny štab USU.
Fota Afipskaha NPZ sa spadarožnika
Pavodle infarmacyi Hienštaba USU, ukraincam udałosia pacelić u Afipski naftapierapracoŭčy zavod u Krasnadarskim krai. Taksama paviedamlajecca pra źniščeńnie dźviuch ustanovak sieparacyi hazu na Astrachanskim hazapierapracoŭčym zavodzie.
Raniej pra paškodžańni Afipskaha naftapierapracoŭčaha zavoda paviedamlaŭ i hubiernatar Krasnadarskaha kraju. Taksama paviedamlałasia pra pažar na terytoryi pradpryjemstva paśla ataki.
Akramia taho, ukrainski Hienštab zajaviŭ, što ŭ vyniku ŭdaru 24 žniŭnia na vajskovym aeradromie «Milerava» ŭ Rastoŭskaj vobłaści byŭ paškodžany rasijski źniščalnik MiH-29. Stupień paškodžańniaŭ pakul udakładniajecca.
Čytajcie taksama:
U Kazachstanie zahareŭsia adzin z najbujniejšych naftazavodaŭ
NPZ u Piermi spyniŭ pracu paśla ataki ŭkrainskich bieśpiłotnikaŭ
Ukrainskija bieśpiłotniki atakavali Pierm. Haryć NPZ
Ci zdymaje Biełaruś viarški z paliŭnaha kryzisu ŭ Rasii? Jość niuansy
Navapołacki NPZ rychtujecca da płanavaha ramontu. Heta kiepskaja navina dla Rasii