U Vilejskim rajonie zatrymali brakańjera, jaki niezakonna zabiŭ łasia
U Vilejskim rajonie supracoŭniki Dziaržaŭnaj inśpiekcyi achovy žyviolnaha i raślinnaha śvietu vyjavili niezakonna zdabytaha łasia. U Vilejskaj palaŭničaj haspadarcy jany znajšli pareštki darosłaha samca z ahniastrelnym ranieńniem i prykmietami razboru.
Fota: t.me/gosinspekciya
Padčas apieratyŭnych mierapryjemstvaŭ inśpiektary ŭstanavili čałavieka, jaki moža być datyčny da niezakonnaha palavańnia. Vyśvietliłasia, što jon zabiŭ łasia ŭ zabaronieny pieryjad i biez adpaviednaha dazvołu. Mužčyna pryznaŭ svaju vinu.
Sumu škody, naniesienuju navakolnamu asiarodździu, acanili na 900 bazavych adzinak.
Fota: t.me/gosinspekciya
Padčas pieratrusu ŭ domie mužčyny taksama znajšli 14 polietylenavych pakietaŭ ź miasam dzičyny ahulnaj vahoj 18,6 kh, 25 palaŭničych patronaŭ, dźvie zarehistravanyja hładkastvolnyja palaŭničyja strelby, 24 kapsuli i blašanku z prykładna 100 hramami porachu. Akramia taho, było vyjaŭlena 10 jomistaściaŭ sa śpirtaźmiaščalnaj vadkaściu, mierkavana samahonkaj.
Vilejski rajonny adździeł Śledčaha kamiteta raspačaŭ suprać mužčyny kryminalnuju spravu pavodle častki 4 artykuła 282 Kryminalnaha kodeksa Biełarusi.
Čytajcie taksama:
Brakańjery prydumali chitruju schiemu vyłavu ryby na prodaž u čarnobylskaj zonie
U Mścisłaŭskim rajonie brakańjer złaviŭ 740 čyrvanaknižnych rakaŭ
U Lepielskim rajonie ŭziali pad vartu brakańjera-recydyvista