U Hancavičach pačnuć vypuskać novy dla Biełarusi vid snekaŭ
Hancavicki chlebazavod płanuje pašyryć asartymient pradukcyi i pieršym u Biełarusi naładzić vypusk ekstruzijnych sucharykaŭ. Padobnyja sneki ŭžo pradajucca na biełaruskim rynku, ale pakul ich vyrablajuć tolki zamiežnyja vytvorcy, piša Tochka.by.
Zdymak ilustracyjny. Fota: Foto: Karen Laårk Boshoff / Pexels.com
Novy cech płanujuć adkryć u miežach prahramy raźvićcia Prypiackaha Paleśsia. Tam buduć vyrablać sucharyki sa zbožžavaj syraviny, jakuju apracoŭvajuć pry vysokaj tempieratury i pad ciskam. Paśla vychadu z ekstrudara masa pavialičvajecca ŭ abjomie i nabyvaje lohkuju, porystuju strukturu. U vyniku atrymlivajecca chrumstki i pyšny snek, jaki možna jeści asobna abo vykarystoŭvać dla paniroŭki.
Adzin z asnoŭnych kirunkaŭ pracy zavoda ciapier — vytvorčaść kukuruznych pałačak. Za dzień pradpryjemstva vypuskaje da 4 ton takoj pradukcyi. Asartymient taksama pastajanna pašyrajuć.
Niadaŭna na zavodzie pačali vyrablać kukuruznyja pałački dla dziciačaha charčavańnia. U ich utrymańnie aleju i cukrovaj pudry źviedziena da minimumu.
Akramia taho, najbližejšym časam pradpryjemstva płanuje zapuścić masavuju vytvorčaść kukuruznych pałačak sa smakam višni.
Čytajcie taksama:
Jak biełarusy adpačyli na kruiznym łajniery za 7300 jeŭra
U minskim aeraporcie adkryli dva kafe Mak.by
«Možna nabyć i ananasy, i butelečku IPA». Biełarusy ŭ zachapleńni ad asartymientu aŭtałaŭki
Ci heta dakładna možna jeści? 10 biełaruskich praduktaŭ, jakija vas ździviać
U Minsku znajšli «cukierki ź dziacinstva». Praŭda, vyhlad ich padmanlivy