Biełarus žorstka adpomściŭ byłoj žoncy praz 13 hadoŭ paśla razvodu
U Haradockim rajonie 53‑hadovy mužčyna napaŭ na byłuju žonku, ź jakoj raźvioŭsia jašče ŭ 2013 hodzie. Pra heta paviedamili ŭ prakuratury Viciebskaj vobłaści.
Zdymak ilustracyjny. Fota: magnific.com
U krasaviku 2026 hoda mužčynu vyzvalili sa śledčaha izalatara. U toj ža dzień, budučy ŭ stanie ałkaholnaha apjanieńnia, jon pryjšoŭ da doma byłoj žonki. Z reŭnaści mužčyna pačaŭ raźbivać vokny. Žančyna vyjšła na vulicu, kab pasprabavać jaho supakoić, ale były muž udaryŭ jaje pa hałavie mietaličnaj płaścinaj.
U paciarpiełaj dyjahnastavali adkrytuju čerapna-mazhavuju traŭmu.
U prakuratury adznačyli, što mužčynu i raniej nieadnarazova pryciahvali da kryminalnaj adkaznaści za hvałt u dačynieńni da byłoj žonki. Papiaredniuju sudzimaść jon atrymaŭ za pahrozu zabić hetu žančynu.
U sudzie abvinavačany svajoj viny nie pryznaŭ, adnak sud pryznaŭ jaho vinavatym i prysudziŭ da 5 hadoŭ pazbaŭleńnia voli ŭ kałonii ŭzmocnienaha režymu.
Akramia taho, mužčynu pryznačyli prymusovaje lačeńnie ad chraničnaha ałkahalizmu. Na karyść paciarpiełaj ź jaho taksama spahnali 15 tysiač rubloŭ u jakaści kampiensacyi maralnaj škody.
Čytajcie taksama:
«Jana hadami ciarpieła, a paśla adzin raz udaryła muža nažom — hetaha chapiła, kab zabić»