Pamior piśmieńnik Pieter Nadaš
Pamior vienhierski piśmieńnik Pieter Nadaš, adzin z najbolš viadomych sučasnych litarataraŭ Vienhryi. Jon byŭ aŭtaram maštabnych ramanaŭ-epapiej, u jakich praź losy asobnych ludziej raskryvaŭ historyju Centralnaj i Uschodniaj Jeŭropy druhoj pałovy XX stahodździa. Nadašu było 83 hady.
Pieter Nadaš
Pra śmierć Pietera Nadaša 26 žniŭnia paviedamiŭ vydaviec piśmieńnika, a paźniej infarmacyja źjaviłasia i ŭ jahonych sacyjalnych sietkach.
Nadaš pa prafiesii byŭ žurnalistam, a jak prazaik debiutavaŭ u 1967 hodzie zbornikam apovieściaŭ i navieł. U 1977 hodzie vyjšaŭ jahony tvor «Kaniec adnoj siamiejnaj sahi», pryśviečany Vienhryi pieršych hadoŭ paśla ŭstalavańnia kamunistyčnaha režymu. Jon u 2012 hodzie vyjšaŭ u vydaviectvie «Ekanompres» u pierakładzie na biełaruskuju movu.
Suśvietnuju viadomaść piśmieńniku prynios raman «Kniha ŭspaminaŭ». Krytyki paraŭnoŭvali hety tvor z knihami Marsela Prusta i Robierta Muzila.
U 2005 hodzie Nadaš vydaŭ trochtomny raman «Paralelnyja historyi», u jakim źviarnuŭsia da historyi Vienhryi XX stahodździa.
Piśmieńnik byŭ uładalnikam šmatlikich litaraturnych uznaharod. Na praciahu mnohich hadoŭ jaho taksama nazyvali adnym z mahčymych pretendentaŭ na Nobieleŭskuju premiju pa litaratury.