U Breście šaścihadovamu dziciaci ŭ kramie pradali ałkaholny napoj
Šaścihadovamu chłopčyku ŭ Breście ŭ kramie pradali ałkaholny napoj, jaki jon pierabłytaŭ z kvasam. Maci daviedałasia pra heta tolki paśla taho, jak dzicia ŭžo vypiła kala dźviuch šklanak, paviedamlaje vydańnie «BriestSiti».
Chłopčyk pajšoŭ u kramu pa kvas, ale zamiest jaho nabyŭ napoj «Jasien Kvasien» vytvorčaści «Lidskaha piva». Jaho macunak składaje 4,6%, što paznačana na etykietcy. Adnak dla maleńkaha dziciaci takaja infarmacyja, viadoma, ničoha nie značyć.
Maci chłopčyka praź niejki čas sama pasprabavała napoj, što piŭ syn, i zrazumieła, što heta ałkahol. Paśla hetaha jana pakinuła skarhu ŭ kramie. Pravierku praviali supracoŭniki ŭpraŭleńnia handlu i pasłuh Bresckaha harvykankama. Jany paćvierdzili fakt prodažu ałkaholu niepaŭnaletniamu. Pradaŭca płanujuć pryciahnuć da administracyjnaj adkaznaści.
Adnak karystalniki źviarnuli ŭvahu i na inšy bok hetaj historyi. Pavodle ich, sam vyhlad i nazva «Jasien Kvasien» vielmi padobnyja da zvyčajnaha biezałkaholnaha kvasu, tamu napoj mohuć vypadkova pierabłytać navat darosłyja.
Niekatoryja raskazvali, što sami prymali jaho za kvas i tolki paśla dehustacyi razumieli, što heta ałkahol. Ludzi ličać, što infarmacyja pra najaŭnaść ałkaholu na ŭpakoŭcy zroblena niedastatkova prykmietna.
Adzin z karystalnikaŭ navat prapanavaŭ vytvorcu źmianić afarmleńnie i nazvu napoju tak, kab jaho było niemahčyma zbłytać sa zvyčajnym kvasam.
Čytajcie taksama:
U Dziatłaŭskim rajonie viaskoviec skraŭ 13 kubkaŭ, što pakidalisia kala śviatoj krynicy
«Ja taju, u abdymkach mocna hałavu hublaju». Vyjšaŭ biełaruskamoŭny letni trek ź virusnym prypievam
«Vodar» i «Smačny»: na ŭpakoŭkach pišuć, što na zakvascy, a jany na draždžach
U Biełarusi — bum na restarany nacyjanalnaj kuchni i jaje novaje pračytańnie