U Biełarusi znajšli baravik pamieram ź viadro FOTA
U Biełarusi praciahvajecca hrybny siezon, i niekatoryja amatary cichaha palavańnia chvalacca ŭ sacsietkach sapraŭdnymi hrybnymi trafiejami. Adna ź biełarusak pakazała ŭ tyktoku vielizarny baravik, jaki znajšła jaje babula, piša vydańnie Tochka.by.
Skrynšot: tiktok.com/@drankevich_marina
Hryb sapraŭdy ŭražvaje pamierami: u jaho vielmi toŭstaja nožka, jakuju žančyna nie mahła całkam abchapić dałońniu, a kapialušyk taksama akazaŭsia vialikim. Jon navat vyhladaŭ bolšym za viadro ź inšymi hrybami.
Kab dakładna vyznačyć vahu znachodki, doma baravik pakłali na vahi. Zrabić heta ź pieršaha razu było niaprosta, tamu hryb pastavili kapialušykam uniz.
Vynik ździviŭ — baravik paciahnuŭ na 1590 hramaŭ, to-bok amal 1,6 kiłahrama.
U kamientaryjach adnyja karystalniki zachaplalisia pamierami hryba, a inšyja adznačali, što takija vialikija baraviki mohuć być starymi, čarvivymi i nie vielmi prydatnymi dla ježy. Adnak aŭtarka videa zapeŭniła, što, nasupierak zdahadkam, unutry hryb akazaŭsia čystym.
Čytajcie taksama:
U Lidzie troje zamiežnikaŭ atrucilisia hrybami
«Adzin z najhoršych». Ekśpiert acaniŭ hrybny siezon
U Biełaviežskaj puščy znajšli hryb, jaki nie sustrakajecca bolš nidzie ŭ Jeŭropie