U Biełarusi čakajecca pavyšeńnie cen na muku

Namieśnica ministra antymanapolnaha rehulavańnia i handlu Biełarusi Śviatłana Karatkievič paviedamiła, što ŭ žniŭni i vieraśni moža padaražeć muka pieršaha i vyšejšaha hatunkaŭ. Pavodle infarmacyi «Biełdziaržcharčprama», rost cen moža skłaści ad 6% da 51,6%, piša rasijskaje vydańnie Sputnik.

Zdymak ilustracyjny. Fota: pixabay.com

Siarod pradpryjemstvaŭ, jakija źbirajucca pavyšać ceny, zhadvajucca, u pryvatnaści, Minski, Klimavicki i Homielski kambinaty chlebapraduktaŭ.

U Minhandlu nahadali, što ŭ Biełarusi praciahvaje dziejničać pastanova №713 ab dziaržaŭnym rehulavańni cen. Viedamstva paabiacała pravieryć infarmacyju, a kali jana paćvierdzicca, pryniać miery ŭ adpaviednaści z zakanadaŭstvam.

Karatkievič padkreśliła, što pryncyp spraviadlivaj cany raspaŭsiudžvajecca nie tolki na handal, ale i na vytvorcaŭ. Pavodle jaje, nieabhruntavanaje pavyšeńnie koštu syraviny ŭ vyniku adbivajecca na kančatkovaj canie praduktaŭ dla spažyŭcoŭ. Jana taksama zaklikała vytvorcaŭ i handal nie imknucca atrymać karotkaterminovuju vyhadu za košt pavyšeńnia cen.

Kamientary da artykuła