«Dumała, heta rasijskija rubli». Biełarusaŭ aburyła cana lačeńnia sabaki
U Threads abmiarkoŭvajuć historyju ciažkachvoraha ščaniuka Mišy, lačeńnie jakoha abiarnułasia dla haspadyni vydatkami ŭ niekalki tysiač rubloŭ. Asabliva karystalnikaŭ sacsietki ździviŭ košt infiekcyjnaha stacyjanara — 2600 rubloŭ za sutki, piša vydańnie «Anłajnier».
U Mišy dyjahnastavali parvavirusny enteryt. Pavodle słoŭ aŭtarki publikacyi, spačatku ščaniuka źmiaścili ŭ stacyjanar, dzie za niekalki dzion na jaho lačeńnie vydatkavali kala 8000 rubloŭ.
Paźniej stan sabaki pahoršyŭsia i Mišu pieraviali ŭ bolš darahi infiekcyjny stacyjanar. Jaho cana, śćviardžaje haspadynia, składaje ŭžo 2600 rubloŭ za sutki. Zabirać žyviolinu jana nie choča praź ciažki stan, a znajści inšaje miesca pakul nie atrymałasia: pavodle jaje słoŭ, inšyja kliniki admovilisia prymać ščaniuka.
Ułasna, cana i vyklikała burnaje abmierkavańnie. Niekatoryja karystalniki stali raić inšyja vieterynarnyja kliniki i dzialicca ułasnym vopytam lačeńnia žyvioł.
«Adkul takija ceny? Da apošniaha dumała, što heta rasijskija rubli, pieraviali dla čahości. Chaciełasia b pahladzieć, što ŭvachodzić u canu i jak raźličvałasia kalkulacyja. Tudy ŭkłali košt novaha doma dla hałoŭnaha vieterynarnaha doktara? Treba, kab źviarnuli na ich uvahu i arhanizavali pravierku. Dzie abhruntavańnie cen?» — aburyłasia adna z kamientatarak.
Inšaja karystalnica raskazała, što sama sutyknułasia ź vialikimi vydatkami na vieterynarnuju dapamohu:
«Ja za lačeńnie kata ŭ minułym hodzie pakinuła 9000 rubloŭ. Napišu vaźmu ja ŭ MARH. Chaj pryviaduć ich da prytomnaści».
«2600 rubloŭ u sutki za što? Vy sabaku na kurort ź lačeńniem advozicie ci što robicie?»
18 žniŭnia haspadynia paviedamiła, što stan hadavanca trochi palepšyŭsia: Miša pačaŭ patrochu jeści samastojna. Jaho pieraviali ŭ inšy, bolš tanny stacyjanar — za 1030 rubloŭ u sutki.
Pryčym heta nie adzinaja historyja ź vialikimi rachunkami za vieterynarny stacyjanar, jakoj zaraz dzielacca ŭ sacsietkach. Jašče adna haspadynia raskazała pra kata, jaki vypaŭ z akna. U žyvioliny dyjahnastavali razryŭ lohkaha, čerapna-mazhavuju traŭmu i pierałom łapy.
Uładalnikam prapanavali abo eŭtanaziju, abo lačeńnie ŭ stacyjanary. Jany vyrašyli zmahacca za žyviolinu. Pavodle słoŭ haspadyni, košt takoha stacyjanara pačynajecca ad 800 rubloŭ za sutki i pavialičvajecca ŭ zaležnaści ad nieabchodnych pracedur.
U Varšavie napali na paru ź Biełarusi paśla prośby ŭziać sabak na pavadok
Sabaka ŭ namordniku ŭsiu noč čakaŭ haspadara kala kramy. Jaho šukali ŭsim Threads
Mark Formelle upieršyniu vypuściŭ adzieńnie dla sabak i katoŭ
Chaski ź Minska staŭ tvaram novaj kalekcyi Mark Formelle. Za heta jon atrymaŭ adnu futbołku
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Bolnuju ostav́tie v vietirinarkie,čtob oŝuŝali .