Minhandlu ŭziało pad kantrol biletnuju palityku chakiejnaha «Dynama»
Chakiejny kłub «Dynama-Minsk» pierad pačatkam novaha siezonu, jaki startuje 7 vieraśnia, źviarnuŭsia ŭ Ministerstva antymanapolnaha rehulavańnia i handlu z prośbaj uzhadnić košt biletaŭ i abaniemientaŭ, piša pres-słužba viedamstva.
Paśla razhladu prablemy ministerstva dało kłubu šerah rekamiendacyj, u tym liku prapanavaŭ źnizić košt biletnaj i abaniemientnaj prahramy i prytrymlivacca bolš strymanaj cenavaj palityki.
U viedamstvie adznačyli, što «Dynama-Minsk» ličycca značnym ideałahičnym prajektam Biełarusi, a naviedvańnie matčaŭ kamandy KCHŁ źjaŭlajecca važnaj častkaj hramadskaha žyćcia krainy.
Pry hetym u Minhandlu nahadali pra situacyju minułaha siezona, kali ad hramadzian pastupali zvaroty z nahody značnaha padaražańnia kvitkoŭ na chatnija matčy kłuba ŭ płej-of KCHŁ. Tady ministerstva taksama rekamiendavała kłubu nie pavyšać ceny. Rekamiendacyju vykanali — u pieršym raŭndzie płej-of košt kvitkoŭ nie pavialičvaŭsia.
Ciapier ministerstva i kłub padrychtavali da padpisańnia śpiecyjalnaje pahadnieńnie. Jano praduhledžvaje, što «Dynama-Minsk» budzie ŭstrymlivacca ad nieabhruntavanaha pavyšeńnia cen biletaŭ i abaniemienty ŭ pieryjady asabliva vysokaha popytu.
Akramia taho, kłub pavinien budzie zahadzia infarmavać Minhandlu pra namier pavialičyć košt biletaŭ abo abaniemientaŭ vyšej za vyznačanaje abmiežavańnie i davać ekanamičnaje abhruntavańnie takoha pavyšeńnia.
Minhandlu vyniesła papiaredžańnie struktury Minharvykankama za biaździejnaść i ciahaninu
Uvodziać narmatyŭ biełaruskich tavaraŭ u kramach
U minskim «Ekspabiele» pradavali zabaronienyja zachodnija tavary
Biełarusa ŭ žadańni abmiežavać paŭsiudnuju rekłamu kazino padtrymała Minhandlu. Ale prapahandysty paraili jamu «nie leźci nie tudy»
Ciapier čytajuć
35 maładych biełarusaŭ i biełarusak, za jakimi varta sačyć: apublikavany pieršy śpis Next 3524
Kamientary