U stalicy prarasijskaha Nihiera adbylisia ŭzbrojenyja sutyknieńni
U stalicy Nihiera Nijamiei ŭnačy i ranicaj 29 žniŭnia adbylisia ŭzbrojenyja sutyknieńni sa stralboj. Pavodle krynic infarmahienctvaŭ i analitykaŭ, hrupa miaciežnych vajskoŭcaŭ mahła zachapić staličny aeraport i sprabavała atakavać prezidencki pałac, piša Reuters.
Zdymak ilustracyjny. Fota: AP Photo / Omar Hama, FIle
Pra stralaninu paviedamlali adrazu ź niekalkich rajonaŭ Nijamieja. Ułady krainy pakul nie paćviardžali sprobu dziaržaŭnaha pieravarotu, ale zaklikali žycharoŭ zachoŭvać spakoj i zajavili pra ŭzmacnieńnie sił biaśpieki ŭ stalicy.
Vajskovaja chunta znachodzicca va ŭładzie ŭ Nihiery z 2023 hoda. Jana, u pryvatnaści, abapirajecca na padtrymku Rasii. Uradavyja vojski praciahvajuć bajavyja dziejańni suprać džychadysckich hrupovak, źviazanych z arhanizacyjami «Isłamskaja dziaržava» i «Al-Kaida».
Analityčny resurs Casus Belli miarkuje, što pryčynaj ciapierašniaha miaciažu mahło stać niezadavalnieńnie vajskoŭcaŭ, jakija ŭdzielničajuć u bajach, zatrymkami z vypłatami im zarobkaŭ. Apošnim časam źjaŭlalisia paviedamleńni pra značnyja straty armii Nihiera.
Pavodle niekatorych źviestak, aeraport ciapier kantralujuć miaciežniki, a prezidencki pałac utrymlivajuć siły, łajalnyja vajskovaj chuncie.
Čytajcie taksama:
Tramp moža pačać vajennuju apieracyju ŭ Mali, dzie znachodzicca «Afrykanski korpus» Pucina
U Mali zajavili, što Rasija im zdradziła. Padziei raźvivajucca pa siryjskim scenary
U afrykanskaj dziaržavie Nihier źnikła vialikaja partyja ŭranu. Za hetym mohuć stajać Iran ci Rasija
Jak vieniesuelskija bandy i afrykanskija džychadzisty zavalvajuć Jeŭropu kakainam