KDB zatrymaŭ hrupu ludziej, jakich vinavaciać u zbory zakrytaj infarmacyi pra abaronnyja pradpryjemstvy
Kamitet dziaržaŭnaj biaśpieki Biełarusi paviedamiŭ pra spynieńnie dziejnaści hrupy hramadzian krainy, jakich padazrajuć u zbory zakrytych źviestak ab pradpryjemstvach abaronnaha kompleksu ŭ intaresach zamiežnaha kuratara.
Zdymak ilustracyjny. Fota: Lookby.media
Pavodle infarmacyi KDB, padazravanyja źbirali danyja pra vytvorčyja mahutnaści, pieramiaščeńnie asobnych vidaŭ pradukcyi i supracoŭnikaŭ pradpryjemstvaŭ. Dla pieradačy sabranaj infarmacyi jany nibyta vykarystoŭvali śpiecyjalna stvoranyja kanały suviazi.
Jak paviedamlaje pres-słužba KDB, u vyniku apieratyŭnych mierapryjemstvaŭ udzielnikaŭ hrupy zatrymali. U ich kanfiskavali srodki suviazi, elektronnyja nośbity infarmacyi i hrošy, atrymanyja za vykanańnie daručeńniaŭ.
Pa hetym fakcie raspačali kryminalnuju spravu. Śledčyja, jak paviedamlajecca, vyśviatlajuć usie abstaviny zdareńnia i mahčymyja suviazi zatrymanych.
Kolkaść zatrymanych i ich imiony pakul što nie nazyvajucca.
Čytajcie taksama:
Dopyty i pahrozy. Što adbyvajecca sa studentami EHU paśla pryznańnia ŭniviersiteta «ekstremisckim»
Nasta Łojka: KDB topić, kab ludzi zastavalisia, MUS — kab źjazdžali