«Bo dyrektar padpisaŭsia za alternatyŭnaha kandydata». Stała viadoma, čamu kampanijam zabaraniajuć pravodzić kulturnyja mierapryjemstvy
36% admoŭ — na padstavie lista ad KDB, daviedaŭsia Belpol.
U Hrodnie admianili zapłanavanyja na žnivień intelektualna-zabaŭlalnyja hulni. Ciapier arhanizatary pavinny atrymlivać na ich dazvoł u miascovym vykankamie. A kali mierapryjemstva traplaje pad katehoryju kulturna-vidoviščnaha, jaho arhanizatar abaviazany być u rejestry Minkulta i mieć hastrolnaje paśviedčańnie.
Adnak atrymać dazvoł nie tak prosta. Belpol raskazvaje pra farmuloŭki admoŭ, jakija zvyčajna atrymlivajuć arhanizatary.
U rasparadžeńnie arhanizacyi trapiŭ šerah daniasieńniaŭ Ministerstva kultury Biełarusi ŭ Administracyju prezidenta pra razhlad zajaŭ arhanizataraŭ kulturna-vidoviščnych mierapryjemstvaŭ.
Zhodna z pryviedzienym dakumientam, pa stanie na 20 lutaha 2023 hoda ŭ Ministerstva kultury pastupiła 1437 zajaŭ arhanizataraŭ kulturna-vidoviščnych mierapryjemstvaŭ. Razhledžana 992 zajavy. 269 arhanizacyj atrymali admovu.
Abhruntavańnie admoŭ vyhladaje nastupnym čynam:
- 36% admoŭ — pavodle 1‑ha punkta artykuła 81 Kodeksa ab kultury, na padstavie lista ad KDB.
- 17,4% admoŭ — z-za adsutnaści vypiski ab pravaparušeńniach kiraŭnika.
- 13,7% admoŭ — na padstavie taho, što kiraŭnik źjaŭlajecca padpisantam za alternatyŭnaha kandydata ŭ prezidenty albo padpisantam adkrytaha lista dziejačaŭ kultury suprać dziejnaj ułady i za praviadzieńnie novych vybaraŭ.
- 14% admoŭ — z-za «destruktyŭnaj» hramadzianskaj pazicyi kiraŭnikoŭ albo praviadzieńnia kulturnych mierapryjemstvaŭ z udziełam «destruktyŭna» nastrojenych akcioraŭ.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy23
Kamientary
Dumaju, jeśli by kakoj-to ROVD ili vojennaja časť zajaviła, čto pieriechodit na storonu naroda, sistiema mohła by posypaťsia. No dalšie otdielnych oficierov dieło nie pošło.
I dažie jeśli by sistiema vłasti ruchnuła, "staršij brat "s vostoka na śledujuŝij dień poznakomił by Biełaruś so svoimi tankami. Tak čto šansa nie było.