Na Vyhanaščanskim voziery adbyŭsia masavy mor ryby

U Ivacevickim rajonie vyśviatlajuć pryčyny masavaj hibieli ryby ŭ voziery Vyhanaščanskaje. Na miesca vyjechali śpiecyjalisty pryrodaachoŭnych słužbaŭ, vieterynarnaj słužby, pradstaŭniki miascovych uładaŭ i łabaratoryi Respublikanskaha centra analityčnaha kantrolu, paviedamlaje pres-słužba Minpryrody.

Fota: Ministerstva pryrodnych resursaŭ i achovy navakolnaha asiarodździa

Śpiecyjalisty praviali abśledavańnie vadajoma, adnak krynic zabrudžvańnia vady nie vyjavili.

Pavodle papiarednich danych, ryba mahła zahinuć praz hidrałahičnyja faktary — źnižeńnie ŭzroŭniu vady i pavieličeńnie jaje mutnaści. Padčas pravierki prazrystaść vady była mienšaj za 30 santymietraŭ.

Dla bolš dakładnaha vyśviatleńnia pryčyn byli ŭziatyja proby vady, jakija nakiravali na łabaratorny analiz. Kančatkovyja vysnovy zrobiać paśla atrymańnia vynikaŭ daśledavańniaŭ. 

Kamientary da artykuła