«A kolki ščaścia ŭ vačach!» Kachno, Hrybalova, Karpanaŭ i inšyja biełaruskija sielebryci adviali dziaciej u škołu FOTY

Znakamityja biełarusy pakazali zdymki sa svaimi dziećmi-školnikami.

Dzianis Kurjan z synam Kiryłam. Fota tut i dalej: instahram

Šoŭmien Dzianis Kurjan advioŭ svajho syna Kiryła ŭ vypuskny kłas — zakančvać chłopiec budzie škołu ŭ Kałodziščach. Na ŭračystaj liniejcy toj nios tabličku «11 B».

Maryna Arzamasava razam z mužam Illoj i dačkoj Alaksandraj

Lohkaatletka Maryna Arzamasava, jakaja sioleta stała maci trecim razam, apublikavała fotazdymak starejšych dačok. Nasta idzie ŭ druhi kłas, a Saša, jakaja praź ciažkuju chvarobu rabiła raniej paŭzu ŭ školnym navučańni, u 11 kłas.

Dźmitryj Kachno z synam Płatonam

Dźmitryj Kachno sfatahrafavaŭsia z synam Płatonam, jaki trymaje vielizarny bukiet słaniečnikaŭ. Pa tvary druhakłaśnika bačna, što jon nie padzialaje baćkoŭski entuzijazm ad słova zusim.

Šoŭmien pažartavaŭ: «A kolki ščaścia ŭ vačach! Z 1 vieraśnia!». Vučycca Płaton Kachno ŭ Maskvie, dzie apošnija hady žyvie siamja. Pošuk dobraj škoły pieratvaryŭsia dla Dźmitryja ŭ sapraŭdny kvest.

Łarysa Hrybalova ź siamjoj

Łarysa Hrybalova adpraviła dačku z šykoŭnymi žoŭtymi hładyjołusami ŭ škołu ŭ Novaj Baravoj. «Niachaj heta budzie cudoŭnaja pryhoda!» — napisała artystka.

Dziadzia Vania z dačkoj Mirasłavaj

Śpiavak Dziadzia Vania supravadžaŭ na liniejku dačku Mirasłavu — vyhladaŭ jak sapraŭdny rokier. 

Vital Karpanaŭ z synam

Vital Karpanaŭ, salist hurta «Drazdy», sioleta baćka pieršakłaśnika. Jaho syn budzie vučycca ŭ staličnaj himnazii № 30. 

Kamientary da artykuła