Zaćvierdzili novy hienieralny płan Viciebska
Novy hienieralny płan Viciebska zaćvierdžany pastanovaj Savieta Ministraŭ ad 21 žniŭnia 2026 hoda, apublikavanaj na Nacyjanalnym pravavym partale.
Viciebsk. Fota ilustracyjnaje
Płan raźličany na dva etapy — da 2030 i da 2035 hoda. Pavodle dakumienta, nasielnictva horada płanujecca pavialičyć ź ciapierašnich 362,95 tysiačy da 374 tysiač čałaviek na pieršym etapie i da 380 tysiač — na druhim.
Taksama praduhledžvajecca pašyreńnie žyłoj zabudovy, pavieličeńnie žyllovaha fondu, vuličnaj sietki i praciahłaści maršrutaŭ hramadskaha transpartu. Kolkaść mastoŭ, puciepravodaŭ i šmatuzroŭnievych raźviazak pavinna vyraści z 33 da 39.
Siarod asnoŭnych prajektaŭ — budaŭnictva novaha mosta ŭ praciah vulicy Čechava ŭ rajonie Paŭnočnaha mosta. Razhladajucca dva varyjanty: z zachavańniem muzieja Minaja Šmyrova i adnabakovym rucham albo ź pieranosam muzieja i dvuchbakovym rucham.
Hienpłan taksama praduhledžvaje adnaŭleńnie kompleksu byłoha kaścioła i jezuickaha kalehiuma, u tym liku Mikałajeŭskaha sabora, a taksama kaścioła Śviatoha Antonija.
Dla aŭtamabilnaha transpartu płanujecca pabudavać paŭnočna-ŭschodni ŭčastak abjaznoj darohi, a dla čyhunki zareziervavać terytoryju pad paŭdniova-zachodni čyhunačny abychod.
Pobač ź Viciebskam taksama prapanujecca stvaryć novyja mohiłki dla tradycyjnych i urnavych pachavańniaŭ, a ŭ pierśpiektyvie — pabudavać krematoryj.
Dla realizacyi hienpłana spatrebicca vyklučyć ź sielskahaspadarčaha abarotu kala 328 ha ziamli, ź ich 316,6 ha naležać AAT «Viciebskaja brojlernaja ptuškafabryka».
Čytajcie taksama:
Zaćvierdzili hienieralnyja płany Viciebska, Homiela i Mahilova
U Połacku paśla rekanstrukcyi adkryli most cieraz raku Pałatu