Bundeśvier upieršyniu vyprabavaŭ balistyčnuju rakietu

Niamiecki bundeśvier unačy 2 vieraśnia paśpiachova vyprabavaŭ balistyčnuju rakietu Lora izrailskaj kampanii Israel Aerospace Industries. Zapusk adbyŭsia ŭ paŭnočnaj častcy Atłantyčnaha akijana. Heta rakieta zdolnaja paražać celi na adlehłaści da 430 kiłamietraŭ, paviedamlaje Deutsche Welle.

Zdymak ilustracyjny. Fota: Nick Paleologos/Bloomberg via Getty Images

Kali Hiermanija prymie rašeńnie ab zakupcy Lora, jana stanie pieršaj balistyčnaj rakietaj na ŭzbrajeńni bundeśviera. U VMS krainy vyprabavańnie nazvali važnym krokam dla ŭmacavańnia abarony Hiermanii i jaje sajuźnikaŭ.

Vyprabavańni prajšli na fonie rostu zaniepakojenaści ŭ Hiermanii mahčymymi pahrozami z boku Rasii. U Bierlinie taksama zajavili pra płany ŭzmacniać svaje ŭzbrojenyja siły dalnabojnymi sistemami.

Ciapier bundeśvier maje kala 600 kryłatych rakiet Taurus z dalnaściu bolš za 500 kiłamietraŭ. U adroźnieńnie ad ich, balistyčnyja rakiety laciać pa inšaj trajektoryi i raźvivajuć značna bolšuju chutkaść.

Kamientary da artykuła