24‑hadovaha chłopca z Asipovičaŭ, jaki chacieŭ uvajści ŭ IT, asudzili pa palityčnym artykule, choć jon ničoha nie zrabiŭ
Mikitu Michadziuka vinavacili ŭ «zamachu na sadziejničańnie ekstremisckaj dziejnaści».
Mikita Michadziuk. Fota ź jahonaj staronki Ukantakcie
Mikitu Michadziuku 24 hady. Jon rodam z Asipovičaŭ, dzie ŭ 2019 hodzie skončyŭ miascovuju himnaziju.
Paśla škoły chłopiec pierajechaŭ u stalicu i pastupiŭ na dzionnaje biudžetnaje adździaleńnie Biełaruskaha dziaržaŭnaha technałahičnaha ŭniviersiteta. Jon navučaŭsia na fakultecie chimičnaj technałohii i techniki pa śpiecyjalnaści «Chimičnaja technałohija niearhaničnych rečyvaŭ, materyjałaŭ i vyrabaŭ».
Žyvučy ŭ Minsku, Mikita maryŭ źmianić prafiesiju i ŭvajści ŭ śfieru infarmacyjnych technałohij. Jon samastojna vučyŭsia na Java-raspracoŭščyka i sumiaščaŭ vučobu z padpracoŭkami ŭ načnych ustanovach i inšymi časovymi zarobkami.
Małady čałaviek šmat času baviŭ za anłajn-hulniami i kataŭsia na skiejtbordzie. A ŭ sacsietkach jon nie raz razvažaŭ pra adkryćcio ŭłasnaha startapa.
Sudovy praces nad Michadziukom prajšoŭ u Minskim haradskim sudzie. Chłopca pryznali vinavatym pavodle č. 1 art. 14 i č. 1 art. 361‑4 Kryminalnaha kodeksa («zamach na sadziejničańnie ekstremisckaj dziejnaści»).
Jamu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
Čytajcie taksama:
Redaktarku dziaržaŭnaha vydaviectva asudzili za «sadziejničańnie ekstremisckaj dziejnaści»
Pieršaha namieśnika hiendyrektara «Biełviesta» pasadzili na try z pałovaj hady za palityku
Litoŭskaha błohiera, jaki vaziŭ turystaŭ u Čarnobylskuju zonu, pasadzili ŭ Biełarusi za palityku