Litoŭskaha błohiera, jaki vaziŭ turystaŭ u Čarnobylskuju zonu, pasadzili ŭ Biełarusi za palityku
27‑hadovaha hramadzianina Litvy Devidasa Stanulavičusa asudzili ŭ Minskim haradskim sudzie pavodle kryminalnaha artykuła ab «sadziejničańni ekstremisckaj dziejnaści». Jaho, padobna, zatrymali na miažy, a ciapier jon za kratami.
Devidasu Stanulavičusu 27 hadoŭ, jon žychar Vilni.
U internecie pra jaho znachodzicca niašmat infarmacyi. U junactvie chłopiec zachaplaŭsia futbołam i vystupaŭ na pazicyi abaroncy za amatarskuju kamandu «Hranitas». Paźniej małady čałaviek aktyŭna zajmaŭsia aŭtamabilnaj tematykaj, pieraprodažam aŭto, a taksama arhanizoŭvaŭ pajezdki na mikraaŭtobusie pamiž Litvoj, Polščaj i Biełaruśsiu.
Apošnija hady jon arhanizoŭvaŭ turystyčnyja ekskursii, u tym liku ŭ biełaruskuju častku Čarnobylskaj zony adčužeńnia.
Stanulavičus vioŭ błoh u tyktoku z amal 9000 padpisčykaŭ, a taksama staronki ŭ fejsbuku i instahramie. Tam jon u asnoŭnym aśviatlaŭ dvuchdzionnyja vyjezdy pa maršrucie Vilnia — Lida — Minsk — Homiel — Chojniki z naviedvańniem Čarnobylskaj zony i viartańniem. Cana pytańnia była 250 jeŭra.
Apošni raz jon anansavaŭ taki tur 23 lutaha 2026 hoda. Tady ž pisaŭ, što nastupny vyjezd płanujecca na 6 sakavika. Nieŭzabavie paśla hetaha Stanulavičus byŭ aryštavany. Padobna, na biełaruskaj miažy, bo jon nie apublikavaŭ ničoha z taho tura.
Litoŭca źmiaścili ŭ SIZA. Niadaŭna Minski haradski sud pryznaŭ jaho vinavatym pavodle častki 1 artykuła 361‑4 Kryminalnaha kodeksa Biełarusi («sadziejničańnie ekstremisckaj dziejnaści»). Ciapier Stanulavičus adbyvaje pakarańnie.
Sutnaść abvinavačańniaŭ publična nieviadomaja, jak i zvyčajna pry sudach pa palityčnych artykułach u Biełarusi.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) začapili sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary