Troch turkmienaŭ, jakija atrucilisia ŭ Lidzie pahankami, udałosia adkačać

Amal dva tydni daktary Lidskaj centralnaj rajonnaj balnicy, a paśla i balnicy chutkaj miedycynskaj dapamohi ŭ Hrodnie zmahalisia za žyćcio troch hramadzian Turkmienistana. Mužčyny atrucilisia blednaj pahankaj, piša «TRK Hrodna».

Skrynšot ź videa

Turkmieny pryjechali ŭ Biełaruś na zarobki i pracavali na budaŭnictvie ŭ Lidzie. 18 žniŭnia jany pajeli hryboŭ, a ŭžo na nastupnuju ranicu apynulisia ŭ balnicy. 21 žniŭnia pacyjentaŭ pieravieźli ŭ Hrodna.

Usie troje byli ŭ ciažkim stanie. Dvuch pacyjentaŭ źmiaścili ŭ reanimacyju, jašče adnaho — u taksikałahičnaje adździaleńnie. Miedyki zrabili ŭsio mahčymaje, kab vyratavać ich. Miedycynskaja dapamoha akazvałasia biaspłatna, bo ŭ Biełarusi hramadzianam krain SND ekstrannaja dapamoha akazvajecca biez apłaty.

Ciapier stan usich paciarpiełych dobry, ich užo vypisali z balnicy. Paśla hetaha vypadku hramadzianie Turkmienistana kažuć, što bolš nikoli nie buduć jeści hryby, i dziakujuć miedykam, jakija litaralna vyratavali im žyćcio.

Kamientary da artykuła