Hramadzianin Łatvii pravoziŭ u Biełaruś narkotyki ŭ viejpie
2 vieraśnia na punkcie propusku «Bieniakoni» vajskoŭcy Lidskaha pamiežnaha atrada spynili sprobu niezakonnaha ŭvozu narkotykaŭ ź Litvy ŭ Biełaruś, paviedamlaje Pamiežny kamitet Biełarusi.
Skrynšot ź videa
Padčas pravierki ŭ abšyŭcy pasažyrskaha aŭtobusa pamiežniki znajšli 12 elektronnych pryład dla kureńnia. Ekśpiertyza pakazała, što ŭ adnoj ź ich vadkaść utrymlivaje niebiaśpiečnaje narkatyčnaje rečyva — hašyšny alej.
U vyniku apieratyŭna-vyšukovych mierapryjemstvaŭ siarod pasažyraŭ aŭtobusa vyjavili mierkavanaha parušalnika. Im akazaŭsia 49‑hadovy hramadzianin Łatvii, uradženiec Ryhi. Miedycynski ahlad taksama paćvierdziŭ, što mužčyna ŭžyvaŭ narkotyk.
Parušalnika zatrymali. Ciapier jon znachodzicca ŭ izalatary časovaha ŭtrymańnia Lidskaha pamiežnaha atrada.
Pa fakcie zdareńnia zaviedzienyja kryminalnyja spravy pavodle častki 1 artykuła 328 Kryminalnaha kodeksa Biełarusi — za niezakonny abarot narkatyčnych srodkaŭ, a taksama častki 1 artykuła 328‑1 — za niezakonnaje pieramiaščeńnie narkotykaŭ praź dziaržaŭnuju miažu.
Čytajcie taksama:
U Polščy dva biełarusy i ŭkrainiec arhanizavali narkałabaratoryju
Mužčyna pad uździejańniem narkotykaŭ pačaŭ hłytać padručnyja pradmiety. Vynik — śmierć