U Polščy palicyja likvidavała łabaratoryju pa vytvorčaści miefiedronu i kanfiskavała bolš za 28 kh hatovaha narkotyku.
Apieracyju praviali supracoŭniki Centralnaha śledčaha biuro palicyi i palicyi Varšavy pry padtrymcy kaleh z Padkarpackaha vajavodstva. U adnym z damoŭ u Dembickim paviecie jany znajšli prafiesijna abstalavanuju łabaratoryju, dzie vyrablali sintetyčnyja narkotyki, u tym liku miefiedron.
Pa spravie zatrymali troch mužčyn: dvuch hramadzian Biełarusi va ŭzroście 37 i 31 hoda, a taksama 24‑hadovaha hramadzianina Ukrainy.
Padčas pieratrusu palicyjanty znajšli abstalavańnie dla vytvorčaści narkotykaŭ i bolš za 28 kh miefiedronu ŭ vyhladzie kryštalaŭ, padrychtavanaha dla dalejšaha raspaŭsiudžvańnia. Taksama byli kanfiskavanyja rečyvy, jakija znachodzilisia na roznych etapach vytvorčaha pracesu. Ich pieradali na ekśpiertyzu.
Likvidacyja łabaratoryi dazvoliła spynić vytvorčaść i nie dapuścić traplańnia vialikaj partyi narkotykaŭ na rynak.
Zatrymanych dastavili ŭ prakuraturu horada Dembica, dzie im vystavili abvinavačańni ŭ vytvorčaści značnaj kolkaści narkotykaŭ. Sud pa chadajnictvie prakuratury aryštavaŭ usich troch padazravanych na čas rasśledavańnia.
Dalejšym rasśledavańniem zajmajecca Padkarpackaje vajavodskaje ŭpraŭleńnie palicyi. Pravieranyja taksama mahčymyja suviazi zatrymanych z arhanizavanaj złačynnaj hrupaj, jakaja moža stajać za vytvorčaściu i raspaŭsiudžvańniem narkotykaŭ.
Kamientary