Stvaryli biełaruski preparat dla terapii VIČ

U Biełarusi raspracavali ŭłasny anałah preparata dla lačeńnia VIČ-infiekcyi — «Dałutehravir-AM». Preparat užo prajšoŭ nieabchodnyja daśledavańni, a pieršyja partyi płanujuć vypuścić da kanca 2026 hoda, piša «Minskaja praŭda».

Fota: «AmantysMied»

Jak paviedamiła dyrektarka farmaceŭtyčnaha pradpryjemstva «AmantysMied» Alena Siarkova, daśledavańni pravodzilisia na zdarovych dobraachvotnikach u siertyfikavanych kliničnych centrach pavodle pratakoła, zaćvierdžanaha Ministerstvam achovy zdaroŭja.

Vyprabavańni pakazali, što biełaruski dženieryk pa chutkaści i stupieni ŭsmoktvańnia nie adroźnivajecca ad aryhinalnaha preparata ŭ miežach ustanoŭlenych normaŭ. Takim čynam, jaho pryznali adpaviednym aryhinału pa asnoŭnych farmakakinietyčnych pakazčykach.

Raspracoŭščyki adznačajuć, što ajčynny preparat budzie tańniejšy za zamiežny anałah, ale pry hetym nie pavinien sastupać jamu ŭ efiektyŭnaści.

Pieršyja partyi «Dałutehravira-AM» płanujuć vyrabić užo ŭ hetym hodzie na zavodzie «AmantysMied» u Łahojsku.

Pa słovach pradstaŭnikoŭ pradpryjemstva, zapusk ułasnaj vytvorčaści preparata pavinien stać važnym krokam dla zabieśpiačeńnia lekavaj biaśpieki Biełarusi i zamiaščeńnia impartnych miedykamientaŭ u stratehična važnaj śfiery.

Kamientary da artykuła