U biełaruskich škołach źmianili prahramu pa fizkultury
Ministr adukacyi Andrej Ivaniec raskazaŭ, što ŭ Biełarusi adkarektavali školnuju prahramu fizičnaj kultury. Pavodle jaho słoŭ, rašeńnie źviazana z zaŭvahami Alaksandra Łukašenki nakont fizičnaj padrychtoŭki vypusknikoŭ, jakija paśla škoły iduć na terminovuju vajskovuju słužbu.
Zdymak ilustracyjny. Fota: magnific.com
U krasaviku 2026 hoda na naradzie Łukašenki ź siłavym błokam adznačałasia, što fizičnaja padrychtoŭka niekatorych navabrancaŭ nie zaŭsiody adpaviadaje patrabavańniam.
Tamu ciapier zamiest dvuch paŭnavartasnych urokaŭ fizkultury i adnaho ŭroka hulniavoha kirunku školniki buduć mieć try paŭnavartasnyja ŭroki fizičnaj kultury. Padčas ich buduć zajmacca i hulniavymi vidami sportu. Prahrama taksama ŭklučaje elemienty lohkaj atletyki, himnastyki i inšych dyscyplin.
Źmieny zakranuli i fizičnuju padrychtoŭku va ŭniviersitetach. Dla studentaŭ zaćvierdžanaja novaja prahrama, u jakoj narmatyvy pryviali ŭ adpaviednaść z patrabavańniami fizičnaj padrychtoŭki na vajskovaj słužbie.
Andrej Ivaniec padkreśliŭ, što havorka idzie pra bazavyja fizičnyja navyki, a narmatyvy nie źjaŭlajucca zvyšskładanymi.
Čytajcie taksama:
Stała viadoma, kali možna budzie pastupać u novuju Akademiju intelektualnych technałohij
Ministr adukacyi prakamientavaŭ prablemu pierapoŭnienych pieršych kłasaŭ
Dla navučencaŭ kaledžaŭ taksama buduć letnija palavyja zbory
Kolki pryvatnych škoł i sadkoŭ zastałosia ŭ Biełarusi
Ministr adukacyi: Repietytaraŭ nie ŭsprymaju ad słova «zusim»