Stała viadoma, kali možna budzie pastupać u novuju Akademiju intelektualnych technałohij
Nabor u navastvoranuju Akademiju intelektualnych technałohij płanujuć pačać da 1 vieraśnia 2027 hoda. Pra heta paviedamiŭ ministr adukacyi Andrej Ivaniec u efiry telekanała «Pieršy infarmacyjny».
Štohod u akademiju płanujuć prymać kala 150 čałaviek. Na pieršym etapie buduć adbirać tych, chto zdolny dasiahać surjoznych vynikaŭ, a asnoŭny akcent zrobiać na praktyčnych prajektach.
Jak adznačyŭ ministr, heta nie abaviazkova pavinna być navukovaja abo daśledčaja praca. Havorka idzie pieradusim pra raspracoŭku kankretnych technałahičnych prajektaŭ i rašeńnie praktyčnych zadač dla arhanizacyj i pradpryjemstvaŭ, a taksama pra stvareńnie novych kampanij i inavacyjnych vytvorčaściaŭ.
Ideju stvareńnia novaha adukacyjnaha centra vykazaŭ u pačatku hoda Alaksandr Łukašenka. U žniŭni jon padkreśliŭ, što akademija pavinna mieć prykładny charaktar i nie pieratvaracca ŭ zvyčajnuju VNU, jakaja prosta vydaje dypłomy.
Płanujecca, što tam buduć rychtavać śpiecyjalistaŭ, zdolnych stvarać ułasnyja rašeńni ŭ pierśpiektyŭnych śfierach, u tym liku ŭ halinie štučnaha intelektu, novych materyjałaŭ, ličbavaj pramysłovaści i kvantavych technałohij.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary