Źjezd Sajuza palakaŭ u Biełarusi adkłali. Ale Pačobut usio adno pajedzie ŭ Hrodna
Źjezd Sajuzu palakaŭ u Biełarusi, u jakim płanavaŭ udzielničać były palitviazień Andrej Pačobut, pieranieśli. Mierapryjemstva pavinna było prajści 13 vieraśnia, ale ŭ pryznačany termin nie adbudziecca.
Andrej Pačobut. Fota: Lookby.media
Rašeńnie ad pieranosie mierapryjemstva «praz prablemy z łahistykaj» pryniała Hałoŭnaja rada SPB na pasiadžeńni ŭ Biełastoku. Novuju datu mierapryjemstva pakul nie vyznačyli. Čakajecca, što źjezd adbudziecca na praciahu nastupnych šaści miesiacaŭ.
Andrej Pačobut, adnak, zajaviŭ, što pieranos mierapryjemstva nie paŭpłyvaje na jahonyja płany viarnucca ŭ vieraśni ŭ Hrodna.
Andrej Pačobut — žurnalist Gazeta Wyborcza i adzin ź lidaraŭ polskaj mienšaści ŭ Biełarusi. Jaho zatrymali ŭ Hrodnie ŭ sakaviku 2021 hoda, a ŭ lutym 2023‑ha asudzili na vosiem hadoŭ kałonii pavodle abvinavačańniaŭ u «raspalvańni varožaści» i «zaklikach da dziejańniaŭ, nakiravanych na naniasieńnie škody nacyjanalnaj biaśpiecy». Padstavaj dla pieraśledu, siarod inšaha, stali jaho publikacyi i pohlady na histaryčnyja padziei.
28 krasavika 2026 hoda jaho vyzvalili paśla bolš jak piaci hadoŭ niavoli ŭ miežach abmienu pamiž Biełaruśsiu i Polščaj i pieradali polskamu boku. Sam Pačobut namahaje, što jahony dom zastajecca ŭ Hrodnie.
Čytajcie taksama:
Pačobut: U vieraśni ja viarnusia ŭ Biełaruś, kab pašyrać tam prastoru dla svabody vykazvańnia
Pačobut: Pajedu ŭ Biełaruś na pačatku vieraśnia. Skonču jašče niekalki spraŭ i pajedu