U Varšavie prajšli publičnyja čytańni «Dziadoŭ» Mickieviča. Udzielničali i biełarusy
U Varšavie 5 vieraśnia prajšli publičnyja čytańni paemy Adama Mickieviča «Dziady». U mierapryjemstvie, jakoje adbyłosia ŭ centry polskaj stalicy kala pomnika paetu, uziali ŭdzieł taksama biełaruskija akciory Alaksiej Saprykin i Bažena Šamovič, piša vydańnie Reform.news.
Fota: PAP
Mierapryjemstva stała častkaj ahulnapolskaj akcyi «Nacyjanalnaje čytańnie». Heta štohadovaja kulturnaja inicyjatyva, padčas jakoj pa ŭsioj Polščy publična čytajuć tvory polskaj litaraturnaj kłasiki. Sioleta dla akcyi vybrali «Dziady» Adama Mickieviča — tvor, jaki maje ciesnuju suviaź ź biełaruskaj kulturnaj tradycyjaj.
Bažena Šamovič. Skrynšot z tranślacyi
Na mierapryjemstva ŭ Varšavie pa zaprašeńni prezidenta Polščy Karala Naŭrockaha taksama pryjšła Śviatłana Cichanoŭskaja. Padčas cyrymonii na ekranach pakazvali, siarod inšaha, pomnik Adamu Mickieviču ŭ Minsku.
Fota: facebook.com/viachorka