U Kurskaj vobłaści sutyknulisia dva rasijskija źniščalniki Su-35S
Pra zdareńnie paviedamiŭ rasijski prapahandyst Illa Tumanaŭ, jaki viadzie telehram-kanał Fighterbomber.
Samalot Su-35S. Fota ilustracyjnaje
Pavodle śviedčańnia Z-kanała «Vojevoda Vieŝajet», u vyniku sutyknieńnia adzin ź piłotaŭ zahinuŭ. Pry hetym rasijskija prapahandysckija resursy pasprabavali ŭskłaści adkaznaść za incydent na Ukrainu. Ukrainski bok svajoj datyčnaści da zdareńnia nie paćviardžaŭ.
Na momant publikacyi aficyjnych kamientaroŭ Ministerstva abarony Rasii taksama nie było.
Su-35S — rasijski šmatmetavy źniščalnik pakaleńnia «4++», jaki ličycca adnym z najbolš mahutnych samalotaŭ rasijskaj vajskovaj avijacyi paśla Su-57. Jon abstalavany radyjołakacyjnaj stancyjaj «Irbis» i moža vykarystoŭvać dalnabojnyja rakiety «pavietra — pavietra» R-37M.
Čytajcie taksama:
Ukraincy źniščyli rasijskija samalot ź viertalotam
Turcyja nie zmahła znajści kupca na rasijskija S-400 i moža adpravić ich na mietałałom