Pasadzili advakata Dźmitryja Łajeŭskaha, jaki abaraniaŭ Babaryku i Znaka
Minski haradski sud 9 vieraśnia vynies prysud advakatu Dźmitryju Łajeŭskamu. Jaho asudzili da troch hadoŭ pazbaŭleńnia voli i ŭziali pad vartu ŭ zale suda. Pra heta «Viaśnie» paviedamiŭ siabar i były kaleha Łajeŭskaha Jaŭhien Pylčanka.
Dźmitryj Łajeŭski. Fota: «Radyjo Svaboda»
Advakata abvinavacili pavodle art. 361‑4 KK (sadziejničańnie ekstremisckaj dziejnaści) i art. 369‑1 KK (dyskredytacyja Respubliki Biełaruś).
Padstavaj dla abvinavačańniaŭ, pavodle jakich Łajeŭskamu vynieśli prysud, stali jaho intervju roznym niezaležnym biełaruskim miedyja.
U 2020—2021 hadach Dźmitryj Łajeŭski abaraniaŭ palityka Viktara Babaryku i advakata Maksima Znaka. Adrazu paśla vyniasieńnia prysudu Babaryku Łajeŭskaha vyklučyli z kalehii advakataŭ. Padstavaj dla hetaha stała jaho vystupleńnie ŭ sudovych sprečkach pa spravie.
Jašče raniej, u 2011—2012 hadach, Łajeŭski byŭ abaroncam pravaabaroncy Alesia Bialackaha. Paśla hetaj spravy pad ciskam jon byŭ vymušany na niekalki hadoŭ pakinuć advakaturu.