25‑hadovaha kaardynatara IT-prajektaŭ pa viartańni z Polščy asudzili za «sadziejničańnie ekstremizmu»
Jaramir Pucicki pracavaŭ u bujnych kampanijach siektara infarmacyjnych technałohij i žyŭ u Polščy. Niadaŭna stała viadoma pra vyniesieny jamu prysud u Minskim haradskim sudzie.
Jaramir Pucicki naradziŭsia ŭ 2001 hodzie. U 2022 hodzie jon skončyŭ Biełaruski dziaržaŭny ekanamičny ŭniviersitet pa śpiecyjalnaści «Mižnarodnaja ekanomika». Svoj pracoŭny šlach chłopiec pačynaŭ u MTBanku jašče padčas vučoby, paśla źviazaŭ karjeru ź ličbavymi technałohijami.
Bolšuju častku prafiesijnaha dośviedu Jaramir atrymaŭ u kampanii Innowise, dzie pačynaŭ z pazicyi asistenta ŭ prodažach i daros da starejšaha kaardynatara prajektaŭ (Senior Project Coordinator). Akramia hetaha, jon supracoŭničaŭ z takimi kampanijami, jak Oxagile, Vention i Creally. Apošnija hady chłopiec žyŭ i pracavaŭ u Varšavie.
Jaho zatrymali na pačatku hetaha hoda — vyhladaje, paśla taho jak jon pryjechaŭ u Biełaruś. Sudzili Pucickaha ŭ Minskim haradskim sudzie pa častkach 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści».
Jamu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»5
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary