U Kitai vyjavili niebiaśpiečny virus, jaki pieradajecca praz ukusy klaščoŭ
Daśledčyki ź Piekina źviarnuli ŭvahu na pacyjentaŭ ź niezrazumiełaj haračkaj paśla ŭkusaŭ klaščoŭ.
Uzbudžalnik atrymaŭ nazvu Asian longhorned tick nairovirus (ALTNV), a vypadki zaražeńnia zafiksavali adrazu ŭ čatyroch pravincyjach krainy, u tym liku ŭ Chubei, dzie znachodzicca horad Uchań — radzima karanavirusa, piša Daily Mail sa spasyłkaj na daśledavańnie kitajskich navukoŭcaŭ.
Vydańnie adznačaje, što daśledčyki ź Piekina źviarnuli ŭvahu na pacyjentaŭ ź niezrazumiełaj haračkaj paśla ŭkusaŭ klaščoŭ. Pryčynaj zaniepakojenaści stali vypadki, jakija pavodle simptomaŭ nahadvali inšyja niebiaśpiečnyja infiekcyi, što pieradajucca klaščami, u tym liku dabie bandavirus (DBV), taksama viadomy jak sindrom ciažkaj harački z trombacytapienijaj.
Navukoŭcy praanalizavali ŭzory 3163 čałaviek z čatyroch pravincyj — Chenań, Chubej, Ańchoj i Šańdun. U 329 pacyjentaŭ, heta značyć u 10,4% abśledavanych, vyjavili ALTNV. Pieršy vypadak zaražeńnia hetym virusam, pavodle źviestak daśledčykaŭ, datujecca jašče 2009 hodam.
Čytajcie taksama:
Klaščy vosieńniu: dzie chavajucca, čym niebiaśpiečnyja i jak abaranić dziaciej
Chirurh asprečyŭ hałoŭnyja mify pra ŭkusy i vydaleńnie klaščoŭ