U čaćvier u Biełarusi pabity 21 tempieraturny rekord
U Biełarusi 9 vieraśnia było zafiksavana rekordna ciopłaje nadvorje. Pra heta paviedamili ŭ Respublikanskim centry pa hidramietearałohii, kantroli radyjaaktyŭnaha zabrudžvańnia i manitorynhu navakolnaha asiarodździa Minpryrody.
Zdymak ilustracyjny. Fota: «Naša Niva»
Maksimalnaja tempieratura ŭ 31,5 hradusa ciopła zafiksavanaja na stancyi Brest. U cełym u hety dzień na 21 mieteastancyi byli pabityja sutačnyja rekordy maksimalnaj tempieratury pavietra.
Rekordy abnoŭlenyja pa ŭsioj terytoryi Hrodzienščyny i Brestčyny, na adnoj mieteastancyi ŭ Viciebskaj, Mahiloŭskaj i Homielskaj abłaściach i na 5 mieteastancyjach u Minskaj vobłaści. A na mieteastancyi «Minsk» byŭ pabity rekord 1932 hoda (u toj hod słupok termomietra ŭ stalicy padniaŭsia da 27,4 hradusa). U Minsku 9 vieraśnia 2026 hoda maksimalnaja tempieratura pavietra skłała 28 hradusaŭ.
Čytajcie taksama:
Roźnica tempieratur u Biełarusi zaraz składaje 17 hradusaŭ
Na čaćvier abvieščany aranžavy ŭzrovień niebiaśpieki praź źmienu umovaŭ nadvorja
Klaščy vosieńniu: dzie chavajucca, čym niebiaśpiečnyja i jak abaranić dziaciej