Pad Hrodnam vystavili na prodaž fiermu šampińjonaŭ
Fiermu pa vyroščvańni šampińjonaŭ niedaloka ad Hrodna vystavili na aŭkcyjon. Pradpryjemstva raźmieščana kala vioski Vulkaŭcy, a pačatkovaja cana łota pieravyšaje 10,2 miljona rubloŭ.
Zdymak ilustracyjny. Fota: magnific.com
Heta ŭžo nie pieršaja sproba pradać fiermu na tarhach. Pryčynaj prodažu stali daŭhi jaje ŭładalnika.
Kupcu prapanujuć nie tolki pradpryjemstva płoščaj amal 3 tysiačy kvadratnych mietraŭ, ale i ziamielny ŭčastak, jaki pieradajecca ŭ arendu. Pavodle apisańnia, na fiermie jość nieabchodnaja infrastruktura i abstalavańnie. U tym liku ŭ śpisie značycca kompleksnaja linija dla pryhatavańnia fruktova-jahadnaha napaŭnialnika z vakuumnym astudžeńniem.
Razam z tym u abjekta jość abciažarańni. U zakładzie znachodzicca, u pryvatnaści, prava arendy ziamielnaha ŭčastka, taksama aformlenaja ipateka i dziejničaje zabarona na rehistracyju nieruchomaści.
Niahledziačy na vysoki košt i hetyja abmiežavańni, nabyć pradpryjemstva ŭžo vykazali žadańnie piać udzielnikaŭ. Tarhi pryznačanyja na 22 vieraśnia, a zajaŭki ad achvotnych prymajucca da 21 vieraśnia.
Čytajcie taksama:
Muravanku Chraptovičaŭ pad Navahrudkam pradali za dźvie bazavyja adzinki
Siadzibu Hrabnickich pad Ušačami kuplali ŭžo dvojčy — i voś jana znoŭ na aŭkcyjonie za adnu bazavuju
U vioscy na Hrodzienščynie možna kupić pałovu vulicy za 315 rubloŭ