Kaardynacyjnaja rada abrała sabie sakratara

Kiraŭnikom sakrataryjata Kaardynacyjnaj Rady IV sklikańnia abrali Alaksieja Kiryjenku.

Alaksiej Kiryjenka

U hałasavańni ŭziali ŭdzieł 63 delehaty, na pasadu bałatavalisia try kandydaty. Alaksiej Kiryjenka atrymaŭ 43 hałasy (68,3%), Jaŭhien Karaułaŭ — 16 (25,4%), Dźmitryj Maksimčyk — 4 (6,3%).

Kiryjenku adnahałosna padtrymali frakcyi «Jeŭrapiejski vybar», Ruch «Vola», Abjadnanaja hramadzianskaja płatforma i «Chopić bajacca!». Bolšaść hałasoŭ Kaalicyi Łatuški i Ruchu «Za Svabodu» taksama adyšła Kiryjenku — 14 hałasoŭ, Karaułaŭ atrymaŭ 8, Maksimčyk — 1.

Frakcyja «Nastup» całkam padtrymała Karaułava — 7 hałasoŭ, a try pradstaŭniki Błoka biełaruskich palitviaźniaŭ «Biełarusy dziejańnia» prahałasavali za Maksimčyka.

Sakratarom Kaardynacyjnaj rady raniejšych troch sklikańniaŭ niaźmienna byŭ Ivan Kraŭcoŭ. Hetym razam jon nie staŭ pretendavać na hetu pasadu, ale zatoje pryniaŭ mandat delehata KR.

Kamientary da artykuła