Kraŭcoŭ: Ja b nie skazaŭ, što Babaryka dobra razumieje palityčny kantekst. A ŭdzieł u kanfierencyi «Novaja Biełaruś» — słaby chod
«Treba było ad pačatku vyznačycca, ty buduješ svajo ci ŭdzielničaješ u ahulnaj dźvižusie. Jon hety vybar niejak nie zmoh zrabić».
Były sakratar Kaardynacyjnaj rady Ivan Kraŭcoŭ parazvažaŭ u strymie Lizaviety Prakopčyk pra palityčnuju pazicyju Viktara Babaryki. Kraŭcova ŭžo siomy hod adnosiać da «babarykancaŭ», ale nivodnaha vidavočna pazityŭnaha słova pra Babaryku ad jaho pačuć nie ŭdałosia.
«Jość dumka, što Babaryka ŭsio zhubiŭ. Zhodny?» — zapytałasia Lizavieta Prakopčyk.
«Nu jak?.. Štości, mnie zdajecca, zhubiŭ, štości nie zhubiŭ… Tut ža pytańnie takoje, što rynak i struktura palityčnaj dziejnaści zaraz i ŭ 2020 hodzie zusim roznyja.
Tak, Babaryka nie Śviatłana Cichanoŭskaja. Jon nie pijaryŭsia piać hadoŭ, nie jeździŭ… Što tyčycca jaho bačańnia, ja b nie skazaŭ, što jon adaptavaŭsia, što jon dobra razumieje kantekst, hieapalityčny i palityčny, — pryznaŭsia Ivan Kraŭcoŭ.
— Nakont kamandy… U jaho jość svajo bačańnie raboty. Ja jamu skazaŭ [svajo] mierkavańnie pa hetym bačańni raboty. Pakul jon sprabuje niejkija rečy, prajekty…. Tamu jak by ŭsio narmalna. Jon jak lidar vyznačyŭ napramak i niešta sprabuje».
Taksama abmierkavali ŭdzieł Viktara Babaryki ŭ kanfierencyi «Novaj Biełaruś».
Čytajcie taksama: Babaryka raskazaŭ, ź jakim prajektam viartajecca ŭ palityku
Łatuška — Babaryku: Ja taksama razmaŭlaju ź siabrami. U nas roznyja siabry
«Vielmi simptamatyčna, što ŭsie abmiarkoŭvajuć Babaryku. I tamu što jon byŭ na kanfierencyi «Novaja Biełaruś». I jak by… I ŭ hetym, darečy, ja liču, jaho ŭsio-taki pamyłka — što jon vyrašyŭ siadzieć na dvuch kresłach, — miarkuje Ivan Kraŭcoŭ.
Voś, kali pamiataješ, kali jon vyjšaŭ, my ŭ sakaviku ci ŭ studzieni my sustrakalisia sa Śvietaj (majecca na ŭvazie Śviatłana Cichanoŭskaja — NN), ja, Anton [Radniankoŭ], Babaryka, i tam abmiarkoŭvali. To-bok, mnie zdajecca, treba z samaha pačatku vyznačycca, usio-taki, ty buduješ svajo ci ty ŭdzielničaješ u ahulnaj dźvižusie. Jon hety vybar niejak nie zmoh zrabić.
Jaho ŭdzieł u kanfierencyi, z majho punktu hledžańnia, heta słaby chod. Nu, heta majo mierkavańnie».
Čytajcie taksama: Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
Babaryka vybačyŭsia za svaje słovy pra Kraŭcova i skazaŭ, što jaho mahli niapravilna zrazumieć
-
«Nie marnujcie čas». Kampanija prajechała 22 kiłamietry ŭ restaran pad Hrodnam, zapłaciła za ŭvachod u jaho, ale zastałasia hałodnaj
-
27 mihrantaŭ paśpiachova pierajšli biełaruska-litoŭskuju miažu, ale zaśviacilisia na kamiery litoŭskich palaŭničych VIDEA
-
«My ŭžo nie postsavieckaje hramadstva». Aleś Bialacki vystupiŭ na Nobieleŭskaj kanfierencyi
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač2
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1515
Kamientary
rynak palityčnaj dziejnaści? heta što takoje?