Žonka prapahandysta Tura terminova šukaje repietytara pa matematycy dla dački

Zusim niadaŭna ministr adukacyi Andrej Ivaniec rezka raskrytykavaŭ baćkoŭ, jakija najmajuć repietytaraŭ, asabliva ŭ pačatkovaj škole.

Prapahandyst Ihar Tur z žonkaj Ksienijaj. Fota ź jaje instahrama

Učora Ksienija Tur, žonka prapahandysta Ihara Tura, raspaviała ŭ instahramie, što rabiła z dačkoj uroki da poźniaj nočy. Dziaŭčynka vučycca ŭ 4 kłasie ŭ škole ŭ Astrašyckim Haradku. Siarod jaje adnakłaśnikaŭ i syn prydvornaha kampazitara Jaŭhiena Alejnika.

Jašče z ruskaj movaj Ksienija zmahła dapamahčy — choć i pakutavała ad niekatorych skłonaŭ. A voś, zdajecca, matematycy nie zdoleła dać rady. 

Tamu ciapier terminova šukaje repietytara. Pra heta Ksienija paviedamiła ŭ storys: «Situacyja… Šukajem repietytara pa matematycy ŭ anłajn-farmacie! Baćki adekvatnyja, dačka jašče lepiej». I dadała paznaku SOS.

Niadaŭna ministr adukacyi Andrej Ivaniec raskrytykavaŭ repietytaraŭ — maŭlaŭ, tyja zusim nie patrebnyja biełaruskim školnikam. A kali baćki najmajuć repietytara, značyć, chočuć adkupicca ad dziciaci, zajaviŭ jon.

Asabliva dastałasia baćkam małodšakłaśnikaŭ: «Ja ŭpeŭnieny: naša sučasnaja školnaja prahrama nastolki prostaja, što, u pryncypie, luby baćka pavinien sieści, uspomnić i zdoleć rastłumačyć svajmu dziciaci. Kali tata ci mama nie ŭ stanie rašyć zadaču pa matematycy čaćviortaha kłasa, značyć, u baćkoŭ niešta pajšło nie tak». 

Kamientary da artykuła