U Biełarusi rezka vyraśli ceny na zołata
U Biełarusi istotna pavysilisia ceny, pa jakich u nasielnictva skuplajuć kaštoŭnyja mietały ŭ vyhladzie vyrabaŭ i łomu. Novyja rascenki vyznačyła svajoj pastanovaj Ministerstva finansaŭ.
Zdymak ilustracyjny. Fota: magnific.com
Papiaredni raz canu zołata ŭ Biełarusi pierahladali ŭ žniŭni 2025 hoda. Novyja rascenki značna vyšejšyja za raniejšyja.
Ciapier za hram zołata 375‑j proby buduć płacić 151,87 rubla, što na 22 rubli bolš. Dla inšych prob ustanoŭleny nastupnyja ceny: 500‑ia — 202,49 rubla, 585‑ia — 236,91, 750‑ia — 303,74, 900‑ia — 364,48, 916‑ia — 370,96, 950‑ia — 384,73, 958‑ia — 387,97 rubla za hram.
Pavysilisia taksama rascenki na płacinu. Za hram hetaha mietału 950‑j proby ciapier buduć płacić 155,80 rubla — na 24,70 rubla bolš.
Vyraśli i zakupačnyja ceny srebra: za hram 750‑j proby buduć płacić 4,55 rubla, 800‑j — 4,86, 875‑j — 5,31, 916‑j — 5,56, 925‑j — 5,61, a 960‑j — 5,83 rubla.
Novyja ceny kaštoŭnych mietałaŭ pačnuć dziejničać u Biełarusi z 15 vieraśnia.
Čytajcie taksama:
Łukašenka zaklikaŭ nie trymać zapasy ŭ dalarach
Paradoks: bryljanty patańnieli ŭdvaja, a piarścionki daražejuć. Čamu?
Dalar znoŭ pa try rubli. Čamu tak adbyvajecca i čaho čakać dalej