1 vieraśnia skončyŭsia pieryjad sproščanaj pracedury pravierki srodkaŭ piersanalnaj mabilnaści. Ciapier dla elektrasamakataŭ, siehvejaŭ, monakołaŭ, hiraskuteraŭ i inšych padobnych pryład dziejničajuć ahulnyja praviły kantrolu, paviedamili ŭ efiry telekanała STB.
Uładalniki pryład, zdolnych raźvivać na darozie chutkaść bolš za 25 km/h, pavinny byli prajści pravierku adpaviednaści. Kali techničnyja charaktarystyki nie adpaviadali patrabavańniam da srodkaŭ piersanalnaj mabilnaści, takija pryłady adnosili da katehoryi mapiedaŭ abo matacykłaŭ.
Za hod u vyprabavalnyja łabaratoryi źviarnulisia kala 10 tysiač hramadzian i jurydyčnych asob. Prykładna 5 tysiač pryład u vyniku pryznali mapiedami abo matacykłami, a krychu bolš za tysiaču adnieśli da srodkaŭ piersanalnaj mabilnaści.
Dla techniki, jakuju pryznali mapiedam abo matacykłam, patrabujecca dziaržaŭnaja rehistracyja ŭ Dziaržaŭtainśpiekcyi. Dla srodkaŭ piersanalnaj mabilnaści takaja rehistracyja nie patrebnaja.
U apošnija dni pierad zaviaršeńniem sproščanaj pracedury ŭ łabaratoryjach naziraŭsia vialiki napłyŭ ludziej. Kali viasnoj u krainie pravodzili ŭ siarednim 20—30 vyprabavańniaŭ u dzień, to ŭ apošni tydzień žniŭnia ich kolkaść vyrasła prykładna da 200 za sutki.
Z 1 vieraśnia ŭładalnikam mahutnych srodkaŭ mabilnaści, jakija nie prajšli nieabchodnuju pravierku i zdolnyja raźvivać bolš za 25 km/h, vyjazdžać na darohi zabaroniena.
Italjanski horad zabaraniŭ rovary, paśla taho, jak tam źbili na im mera
Pajezdka na samakacie abyšłasia minčancy ŭ 16 tysiač dalaraŭ — stolki daviadziecca patracić na zuby
Nastaśsia Kaściuhova złamała nahu — jechała na samakacie pa Varšavie, kali nasustrač vylecieła aŭto
Minski paśladoŭnik Nikoły Tesły prypajaŭ 10 batarejek da elektrasamakata — i spaliŭ kvateru
Padletak zmajstravaŭ niezvyčajny «Bulbamabil» — minaki nie dajuć jamu biez uvahi prajechać
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač34
Kamientary