Sabrali hrošy na restaŭracyju redkaha muzyčnaha instrumienta Łošyckaj siadziby
U muziei «Łošyckaja siadziba» adrestaŭrujuć kabinietnaje pijanina F. Haenel & Sohn XIX stahodździa. Hrošy na jaho adnaŭleńnie sabrali minskija miecenaty ź Mižnacyjanalnaha dziełavoha schodu (MDS), paviedamlaje ahienctva «Minsk-Naviny».
Pijanina Haenel & Sohn. Fota ilustracyjnaje
Siertyfikat na restaŭracyju pijanina členy apiakunskaj rady MDS uručyli zahadčycy muzieja Lidzii Markovič. Cyrymonija adbyłasia napiaredadni Dnia horada Minska, da jakoha miecenaty i prymierkavali svaju akcyju.
Jak raskazaŭ staršynia MDS Alaksandr Kapieleŭ, ideja padtrymać muziej uźnikła padčas «Kulturnych viečaroŭ», jakija letam prachodzili ŭ Minskim dziełavym schodzie. Na hetych sustrečach pradstaŭniki pradprymalnickaj supolnaści abmiarkoŭvali dabrabyt, maralnyja pryncypy i matyvacyju sučasnych miecenataŭ padtrymlivać raźvićcio Minska i jaho histaryčna-kulturnaj spadčyny.
Padčas mierapryjemstvaŭ taksama ładzilisia histaryčnyja ekskursii z udziełam prafiesijnych daśledčykaŭ i znajomstva z kłasičnaj muzykaj. Padčas adnoj z takich sustreč niečakana ŭźnikła prapanova dapamahčy muzieju i prafinansavać restaŭracyju adnaho z najbolš kaštoŭnych ekspanataŭ jaho kalekcyi.
Čytajcie taksama:
U Łošyckim parku pačali adnaŭlać histaryčnyja młyn i kaplicu
U Łošyckim parku źjaviłasia aleja niezvyčajnych łavak FOTY
U Minsku paśla maštabnaj renavacyi adkryŭsia Pałac šlubaŭ na Kamunistyčnaj FOTY