Сабралі грошы на рэстаўрацыю рэдкага музычнага інструмента Лошыцкай сядзібы
У музеі «Лошыцкая сядзіба» адрэстаўруюць кабінетнае піяніна F. Haenel & Sohn XIX стагоддзя. Грошы на яго аднаўленне сабралі мінскія мецэнаты з Міжнацыянальнага дзелавога сходу (МДС), паведамляе агенцтва «Мінск-Навіны».
Піяніна Haenel & Sohn. Фота ілюстрацыйнае
Сертыфікат на рэстаўрацыю піяніна члены апякунскай рады МДС уручылі загадчыцы музея Лідзіі Марковіч. Цырымонія адбылася напярэдадні Дня горада Мінска, да якога мецэнаты і прымеркавалі сваю акцыю.
Як расказаў старшыня МДС Аляксандр Капелеў, ідэя падтрымаць музей узнікла падчас «Культурных вечароў», якія летам праходзілі ў Мінскім дзелавым сходзе. На гэтых сустрэчах прадстаўнікі прадпрымальніцкай супольнасці абмяркоўвалі дабрабыт, маральныя прынцыпы і матывацыю сучасных мецэнатаў падтрымліваць развіццё Мінска і яго гістарычна-культурнай спадчыны.
Падчас мерапрыемстваў таксама ладзіліся гістарычныя экскурсіі з удзелам прафесійных даследчыкаў і знаёмства з класічнай музыкай. Падчас адной з такіх сустрэч нечакана ўзнікла прапанова дапамагчы музею і прафінансаваць рэстаўрацыю аднаго з найбольш каштоўных экспанатаў яго калекцыі.
Чытайце таксама:
У Лошыцкім парку пачалі аднаўляць гістарычныя млын і капліцу
У Лошыцкім парку з’явілася алея незвычайных лавак ФОТЫ
У Мінску пасля маштабнай рэнавацыі адкрыўся Палац шлюбаў на Камуністычнай ФОТЫ