U Łošyckim siadzibna-parkavym kompleksie źjaviłasia novaja aleja «Usio pačynajecca ź lubovi». Jaje ŭpryhožyli 15 niezvyčajnych łavak, stvoranych pradpryjemstvami i arhanizacyjami Leninskaha rajona, pišuć «Minsk-Naviny».
Kožnaja z łavak vykanana va ŭłasnaj stylistycy. Tut možna pabačyć jak kłasičnyja draŭlanyja łaŭki, tak i sučasnyja art-abjekty.
Adnoj ź niezvyčajnych stała praca pradpryjemstva Remondis. Zamiest zvykłych nožak i śpinki tut vykarystana dekaratyŭnaja kamiennaja muroŭka, jakaja pieratvaryła zvyčajnuju łaŭku ŭ mastackuju instalacyju.
«Remaŭtadar» prapanavaŭ praktyčnuju kanstrukcyju z dacham, jakaja dazvolić schavacca jak ad haračaha sonca, tak i ad daždžu.
Pradpryjemstva «Zielanbud Leninskaha rajona» vyrabiła raznuju draŭlanuju łaŭku, upryhožanuju fihuraj maładoj biełaruski ź dziciem na rukach.
Adna z łavak pryśviečana hierojam vyzvaleńnia Minska padčas apieracyi «Bahracijon». Na łaŭcy raźmieščana nievialikaja kniha ź infarmacyjaj pra ŭdzielnikaŭ apieracyi, jakaja dazvalaje naviedvalnikam aznajomicca ź ich imionami i podźvihami.
A supracoŭniki ŽEU № 2 raśpisali svaju łaŭku ŭručnuju. Na śpincy źjavilisia pažadańni adpačyvalnikam, a taksama aŭtohrafy aŭtaraŭ prajekta.
Niezvyčajny art-abjekt pradstaviŭ minski motaviełazavod. Łaŭka ŭstalavanaja na ŭzvyšeńni ź leśvicaj, tamu adpačyvać možna jak na samim siadzieńni, tak i na šyrokich prystupkach. Kampazicyju dapaŭniajuć viełasipiednyja koły, rul i firmovy łahatyp «Busieł».
Niezvyčajnym rašeńniem stała i łaŭka-hajdałka.
Pradpryjemstva «ŽKH Leninskaha rajona» vystaviła łaŭku «Mazaika». Jaje siadzieńnie vykanana z roznakalarovych frahmientaŭ mazaiki, jakija składajucca ŭ vyjavu rajona, na śpincy taksama mieścicca panaramnaja fatahrafija Leninskaha z vyšyni.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary