Aŭstryjskaja piakarnia pačała pradavać u Ńju-Jorku chleb pa 60 dalaraŭ za bochan
Ale klijenty stanoviacca ŭ čarhu.
Fota: Rye Martinauer / instagram
Aŭstryjskaja sietka piakarań Martin Auer adkryła pieršuju kramu za miežami krainy — u Ńju-Jorku i pradaje tam paŭtarakiłahramovy bochan žytniaha chleba za 60 dalaraŭ. Krama Rye by Martin Auer pracuje ŭ rajonie Socha na Manchetenie, piša Bild.
Chleb robiać z arhaničnaha aŭstryjskaha zbožža na zakvascy, a ciesta fiermientujuć da 24 hadzin.
U asartymiencie kramy asnoŭny akcent zrobleny mienavita na hety pradukt: jaho pradajuć całkam, pałovami, čverciami i vykarystoŭvajuć dla buterbrodaŭ.
U Aŭstryi anałahičny bochan kaštuje mienš za 10 jeŭra.
U Ńju-Jorku cana vyklikała sprečki, adnak la kramy ŭsio roŭna stanoviacca čerhi. Krama ŭ Socha stała 43‑j dla sietki Martin Auer i pieršaj mižnarodnaj.
Kampanija tłumačyć vysokuju canu darahoj łakacyjaj i pracajomkaj vytvorčaściu chleba.