U Breście płanujuć stvaryć novy park
U Breście płanujuć stvaryć novy park u mikrarajonie Dubroŭka — u lasnym masivie pamiž Biełaruskaj vulicaj, zavułkam Sasnovym i VIII fortam, paviedamlaje BiełTA.
Zdymak ilustracyjny. Fota: BiełTA
Sioleta tut praviaduć padrychtoŭčyja raboty: kamunalnyja słužby vydalać invazijnyja raśliny i suchastojnyja drevy, prybiaruć śmiećcie. Paralelna śpiecyjalisty raspracoŭvajuć pieradprajektnuju dakumientacyju.
Miesca ŭžo ciapier papularnaje siarod miascovych žycharoŭ: pa lesie prataptanyja ściežki. U budučyni tut chočuć stvaryć vialiki park ź dziciačymi hulniavymi i spartyŭnymi zonami, miescami dla prahułak, piešachodnymi suviaziami i aśviatleńniem.
Pobač znachodzicca VIII fort, a niepadalok płanujecca novaja žyłaja zabudova. Tamu, pa słovach staršyni Bresckaha harvykankama Siarhieja Łabadzinskaha, paśla ŭparadkavańnia heta pavinna stać pryjemnym miescam dla adpačynku.
Realizavać prajekt płanujuć u najbližejšyja hady. Raboty pravodziacca ŭ miežach ahulnaha ŭparadkavańnia Bresta, jakoje praciahvajecca z 5 vieraśnia da 6 listapada.
Čytajcie taksama:
U Minsku źbirajucca ŭźvieści niekalki mastoŭ
U Minsku paśla maštabnaj renavacyi adkryŭsia Pałac šlubaŭ na Kamunistyčnaj FOTY
U Minsku pačali budavać Kazachstanski kvartał dla čarhavikoŭ
Da vioski pad Hrodnam prybiłasia źniasilenaje kazulania. U zaaparku pakazali, što ź im ciapier VIDEA