Novy kvartał ad dziaržzabudoŭščyka źjavicca ŭ miežach vulic Čyhunačnaj — Dubravinskaj — Hrušaŭskaj. Pačniecca budoŭla z uźviadzieńnia dvuch chmaračosaŭ — zaraz raspracoŭvajuć katłavany, piša Realt.by.
Pra płany Biełarusi i Kazachstana realizavać niekalki prajektaŭ u budaŭničaj śfiery stała viadoma jašče ŭ 2022 hodzie. Adzin z takich — uźviadzieńnie biełaruskaha žyłoha kvartała ŭ Astanie i kazachstanskaha — u Minsku. Adsiul i nazva — Kazachstanski kvartał. Na placoŭcy ŭ 4,6 ha tut źnieśli bolš za dziasiatak vytvorčych budynkaŭ byłoha pradpryjemstva «Santechdetal».
Voś jak apisvajuć budoŭlu ŭ «Minskbudzie».
«Placoŭka aharodžanaja, ustanoŭlenyja pašparty abjektaŭ, unutry pracuje budaŭničaja technika. Žyłaja zabudova startuje dvuma mapidaŭskimi damami № 1 i 2 (pa hienpłanie). Pieršy — heta vyšynny duet u sieryi M111-90. Druhi — pienał M464-U1M. Zaraz jakraz raspracoŭvajucca katłavany pad abodva damy. Dalej pačniecca praces farmiravańnia fundamientaŭ — jany buduć z buranabiŭnych palaŭ».
Usiaho ŭ kvartale zaprajektavana bolš za 680 kvater. Pa standartnych raźlikach, žyć u takoj zabudovie zmohuć pryblizna 1550 čałaviek. Žytło tut prapanujuć čarhavikam.
Bližej da vulicy Čyhunačnaj pabudujuć šmatuzroŭnievy parkinh.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary18
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
1. Budaŭnik vyšynnych budynkaŭ.
2. Śpiecyjalist pa vyšynnych palotach, padjomach.