Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka
Jak stała viadoma Tribuna.com, pa padazreńni ŭ zabojstvie 43‑hadovaj źnikłaj ciažarnaj minčanki Taćciany Marciščanki zatrymali 38‑hadovaha chakiejnaha sudździu Alaksieja Haŭrylonka.
Alaksiej Haŭrylonak
Alaksiej Haŭrylonak — syn byłoha hulca zbornaj Biełarusi, bramnika Alaksandra Haŭrylonka. Sajt fiederacyi chakieja Biełarusi ŭžo vydaliŭ profil Haŭrylonka-małodšaha sa svajho resursu.
Pra zabojstva žančyny stała viadoma 11 vieraśnia. Jaje šukali z 8 vieraśnia.
Paviedamleńnie pra źniknieńnie žančyny pastupiła ŭ milicyju ad jaje dački praz dva dni paśla zabojstva. Na praciahu sutak padazravany byŭ ustanoŭleny i zatrymany. U dačynieńni da jaho zaviali kryminalnuju spravu.
Alaksiej Haŭrylonak vystupaŭ u junackich zbornych Biełarusi, a taksama zhulaŭ na maładziožnym čempijanacie śvietu va ŭzroście da 20 hadoŭ (siezon-2006/2007). Z 2008 hoda pa 2015‑y vystupaŭ za «Brest», dzie zaviaršyŭ karjeru hulca.
Jaho baćka, hałkipier Alaksandr Haŭrylonak, za zbornuju Biełarusi vystupaŭ z 1992‑ha pa 1999 hod. Pravioŭ 17 matčaŭ, prapuściŭ 39 šajbaŭ.
Čytajcie taksama:
«Vysoki taki chłopiec, chakieist». Padrabiaznaści zabojstva ciažarnaj minčanki
Staŭ viadomy trahičny los źnikłaj ciažarnaj žančyny ŭ Minsku. Jaje zabiŭ baćka budučaha dziciaci
U Minsku źnikła ciažarnaja žančyna. Jaje šukajuć užo dva dni