U Lubanskim rajonie šeršni zachapili i pieraabstalavali pad siabie špakoŭniu FOTAFAKT
U Lubanskim rajonie šeršni zaniali staruju špakoŭniu i całkam pierabudavali jaje pad svajo hniazdo. Fatahrafiju niezvyčajnaj znachodki apublikavała Minskaje dziaržaŭnaje vytvorčaje lesahaspadarčaje abjadnańnie.
Śpiecyjalisty nazvali hety kadr padobnym da dekaracyj da trylera. Vialikaja siamja šeršniaŭ zachapiła ptušynuju chatku i pieratvaryła jaje ŭ svajo žyllo. Masiŭnyja narasty z «lasnoj papiery» zrabili zvyčajnuju špakoŭniu padobnaj da złaviesnaj cytadeli.
Pavodle śpiecyjalistaŭ, takija pieraŭtvareńni ŭ dzikaj pryrodzie całkam naturalnyja. Adnak dla čałavieka hniazdo šeršniaŭ moža być niebiaśpiečnym.
Kali ŭ lesie vy zaŭvažyli takoje hniazdo, da jaho nie varta nabližacca, navat kali chočacca sfatahrafavać. Šeršni mohuć uspryniać nabližeńnie čałavieka jak pahrozu. Nie treba taksama machać rukami pobač z hniazdom, bo heta moža spravakavać napad. Kateharyčna nielha źbivać abo čapać hniazdo — heta moža vyklikać imhniennuju ahresiju ŭsiaho roju.
Najlepšaje rašeńnie pry sustrečy z hniazdom šeršniaŭ u lesie — abyści dreva zdalok i nie turbavać nasiakomych. Dla pachodu ŭ les rekamiendujuć vybirać zakrytaje adzieńnie spakojnych koleraŭ i nie karystacca rezkim parfumam. Dziaciej i svojskich žyvioł padčas takich vyłazak lepš trymać pobač, kab jany vypadkova nie paturbavali roj.
Čytajcie taksama:
U Pinskim i Ivacevickim rajonach dva čałavieki pamierli ad ukusaŭ nasiakomych
U Viciebskim rajonie sotni šeršniaŭ atakavali ludziej na turbazie, adnaho čałavieka ledź adratavali
«Napeŭna, heta moj apošni pachod u les». Žycharku Smalavičaŭ atakavaŭ roj vosaŭ
Karanik pakaštavaŭ smažanych cvyrkunoŭ i zahadaŭ uklučyć ich u mieniu stałovaj Akademii navuk